2021 Force Gurkha Facelift Spotted Testing – Force Gurkha ek iconic 4×4 vehicle jo Indian market me kafi time se hai. 2020 AutoExpo me Force motors ne Force Gurkha Facelift model ko unveil kiya tha. Unveil ke baad, hume ye car kafi time tak Indian roads pe test hote hue dekha gaya tha, par company iss car ke launch ke regarding koi information nahi de rahi. Recently, hume iss car ko Pune ke pass spot kiya jaha iss car ka production model dekha gaya.
2021 Force Gurkha Facelift Spotted Testing-
Image Source – Rushlane.com
2021 Force Gurkha Facelift Details-
Hume jo Force Gurkha facelift ke spy images dekhne mile hai, woh probably base-spec variant hai. Iss car me hume a number of changes dekhne milte hai. Force Gurkha facelift apne boxy design ko retain karti hai. Iss car me hume ab new grille and redesigned front bumper dekhne milta hai. Saath hi hume retro-styled round bi-LED headlamps with integrated circular DRLs bhi dekhne mil jaate hai.
Rear me hume ab wider winow panel and horizontally positioned tail lamps bhi dekhne milte hai. Iss car ke sides me ab hume single large glass panel dekhne milta hai. 2021 Force Gurkha facelift ke interiors pehle model se updated honge. Iss car me new dashboard layout, dual tonne theme, touchscreen infotainment system, new control surface for a/c, etc. jaise features dekhne mil sakte hai.
2021 Force Gurkha Engine-
2021 Force Gurkha me hume BS6 compliant, Mercedes Benz OM616 derived, 2.6-litre diesel engine mil sakta hai jo 90 PS power and 280 Nm torque produce karta hai. Iss engine ko 5 speed manual transmission ke saath combine kiya jaayega.
Force Gurkha ek capable off-roading vehicle hai aur iss car me 4×4 feature standard hoga. Ye car Indian market me Mahindra Thar and up-coming Suzuki Jimny se compete karegi. Iss car ki pricing around Rs 13-14 lakhs ho sakti hai.
IndianTorque pe aap Automobile se related Questions puch sakte he yaha sabhi information aapko HINGLISH me milti he. Jo ki aap day-to-day life me ya Whatsapp pe use karte he. Yaha pe aapko unbiased review, Comparison bhi milenge jisse ki aapko apne liye perfect Vehicle choose karne me aasani ho. To guys notification on kar lijiye IndianTorque.com ka taki koi bhi important news aap miss na kare.
