Hyundai Alcazar Name Officially Revealed for 7- Seater SUV – Hyundai Motors ke SUV line-up pe Venue, Creta and Tuscon jaise SUVs present hai. Hyundai Motors, Indian market me koi bhi 7-seater SUV ko offer nahi karta hai. Currently, Indian market me 6/7 seater SUVs ki demand increase ho rahi hai aur manufacturers iss segment ko target kar rahe hai. Hyundai ne bhi announce kiya tha ki woh 2021 me apne 7-seater SUV ko launch karega. Aaj, Hyundai Motors ne apne 7-seater SUV ka name reveal kiya jo hai Alcazar.
Hyundai Alcazar Name Officially Revealed for 7- Seater SUV-
Hyundai Alcazar Details-
Hyundai Alcazar SUV based hai Creta par. Alcazar ke dimensions me hume changes dekhne mil sakta hai aur ye SUV Creta se longer hogi taki 3rd row seating ko easily accommodate kiya jaayega. Iss car ko Indian aur Korean roads par kai baar spot kiya gaya hai. Spy images se hume pata lagta hai ki iss car ka front and rear ko same as Creta nahi rakha jayega aur isse rework kiya jaayega. Iss car ko India me manufacture kiya jaayega aur first isse Indian markets me launch kiya jaayega. Iss car ka interior more or less Creta jaisa same hee hoga. Isme hum digital instrument cluster, 10.25 inch touchscreen infotainment system, connected tech, panoramic sunroof, etc. jaise features dekhne mil sakte hai.
Hyundai Alcazar Engine-
Hyundai Alcazar ke engine me koi bhi changes nahi hoga. Iss car me hume same 1.5-litre naturally aspired petrol, 1.4-litre turbocharged petrol and 1.5-litre diesel engine ka option mil sakta hai. Iss car ko manual, iMT and DCT transmission ke saath offer kiya jayega.
Hyundai Alcazar ka launch hum mid-2021 me expect kar sakte hai. Ye car Indian market me compete karegi with Tata Safari, MG Hector Plus, Upcoming Mahindra XUV500 and Upcoming Jeep Compass 7-seater se.
IndianTorque pe aap Automobile se related Questions puch sakte he yaha sabhi information aapko HINGLISH me milti he. Jo ki aap day-to-day life me ya Whatsapp pe use karte he. Yaha pe aapko unbiased review, Comparison bhi milenge jisse ki aapko apne liye perfect Vehicle choose karne me aasani ho. To guys notification on kar lijiye IndianTorque.com ka taki koi bhi important news aap miss na kare.
