Honda Activa OBD sab ki pehli choice ban jati h jab bhi kisi scooter ki baat hoti hai, ho bhi kyu na Activa has made itself capable and reliable enough. It has been ruling the best scooter’s list from the past 2 decades. So isi ke addition me hal hi me launch hui Honda Activa OBD ka review jaan lete h. After 1 month of usage iska mileage, user experience, service and reliability. Activa ko humne har condition me test kia. We took it into city traffic, highway, night rides and long rides as well. To aiye dekhte h isne kesa perform kia.
Ye koi aam baat to nhi ki pura segment bas ek single product ke name se jana jaye. Lekin Honda ne ye kar dikhaya h apni Activa ke sath, Ab public normally har scooter ko Activa ke name se hi refer karti h and that is a big achievement. The main reason behind this is that Honda Activa has proven to be a very reliable machine over almost 20 years, which is a long period. Itne time tak market me rehna aur wo bhi usi craze aur relevance ke sath is not easy. Hat’s off to Honda to make it possible.
But now every buyer has evolved and is now comparing each and every specification before making their decision. Ab sirf reputation se kaam nhi chalega ab buyers bhi smart ho gaye h to isi ko dhyan me rakhte hue company ne Honda Activa OBD ke sath ab tak ka sabse bada aur important update dia h.
Honda Activa OBD – Looks
Looks me Honda ne zada kuch change nhi kia kyuki market me itna famous hone ke bad agar looks me zada bada change hota to it could have created a negative impact. Well done Honda! You played it safe. Zada kuch update to nhi h lekin minor sa facelift hua h is bar. Ab headlights ko thoda sa sharper finish dia h aur chrome accents bhi redesign kiye hai jiski wajah se front se thoda sa sharper look ata h.
Mudguard bhi ab thoda steep kia h jo hume Activa 125 me dekhne ko milta h. Side panels me kuch khas change nhi hua h bus thoda sa sharper look create kia h rear side se. Rear side ki baat kare to yaha apko bilkul new look mil jata h jo ki pura Activa 125 se inspired hai. Tail light apko bilkul Activa 125 se similar milegi. Apko ye jan ke khushi hogi ki Honda Activa OBD me abhi bhi metal body milti h aur sirf iska headlight fascia aur centerpiece h jo plastic ka bana hua h.
Ek aur khas cheez jo achi lagi mujhe wo h iska fuel filler cap. Ab apko re-fuel karvane ke lie dicky open nhi karni hogi. Tail light ke just upar apko fuel filler cap mil jata h jo ki age key fob se operate ho jata h. Refueling ka problem to solve ho gaya ab. Sath hi jo hume sides me Activa ki badging milti thi version ke sath me wo ab change kar di h. Ab apko Honda Activa OBD me sirf Activa likha hua milega dono side me. Iske sath koi bhi version number attach nhi hoga.
Sath hi isme ab start button alag se nhi ata h ab engine kill switch ko hi ap use kar ke apki Honda Activa OBD start kar sakte h. Also it has silent start feature, jo purani Activa start karte time struggle karti thi aur ajeeb sa sound banati thi wo apko new Honda Activa OBD me sunne ko nhi milega. Storage area ki baat kare to isme apko 18L ka standard space milta h. Iske alawa age koi storage area nahi dia sirf seat ke niche hi dia h.
Honda Activa OBD – Ride Impressions
Honda ka kehna h ki OBD and 6G me jo frame use hui h wo almost Activa 125 se similar h. Bas sirf Activa 125 ki frame ko thoda aur powerful banaya taki wo extra weight aur power ke sath cope up kar sake. Honda Activa OBD ka increased wheelbase, telescopic fork aur 12-inch ka front wheel mil ke isko ek boht acha upgrade dete h. Ab higher speed par Activa OBD struggle nhi karti h pehle ke tarah, vibrations feel nahi hote h normal speed par. Lane change karte time bhi ab acha support milta h, handling aur stability me boht substantial improvement hua h.
Active 125 aur SP125 ke jese hi Honda Activa OBD and 6G ka engine bhi upgrade hua h. Ab isme alag bore and stroke use hua h. Sath hi ab ye carburetor ki jagah fuel-injection technique ka use karte h jo ki iske engine ko aur efficient banata h. Lekin har BS6 engine ke sath jo dikkat hoti h wo iske sath bhi h, power aur torque dono hi ab km ho gaya h. Power 0.17hp aur torque 0.21Nm km ho gaya h.
Ab ye to koi surprise ki baat nhi h ki Activa boht fast scooter nahi h. Acceleration bhi thoda kamzor h aur 75 KMph ke bad ye thoda struggle bhi karti h. Agar dekha jaye to Activa 5G is se zada powerful hai, agar inki drag race kari jaye to Active 5G, Honda Activa OBD/6G ko easily beat kar degi. But hume Activa race karne ke lie to lena nhi h. To iski khas baate dekhte h. Ab jo engine hai wo itna kam noise produce karta h, to ap apni shanti se bhari hui ride iske sath enjoy kar payenge.
Honda Activa OBD – Comfort Level
Ergonomics ki bat kare to ye almost har size ke riders ko easily accommodate kar sakti h, but jo kuch zada hi lambe h unko thoda struggle karna pad sakta. Meri height almost 6ft hai mujhe kuch khas problem nhi ayi, but agar koi 6ft se zada height ka hai to usko thoda struggle karna padh sakta h. Handle bar ki position kafi close kar di h rider se ab to jab handle lock rehta h to piche khisak kar bethna padhta h nhi to knee knock hoti h.
But agar koi 6ft ya usse zada height ka rider Activa chala raha h to fir pillion ko thodi problem ho sakti h again wo bhi depend karta h pillion ki height par. But generally normal build ka pillion h to koi khas problem hogi h. Seating comfort ki bat kare to no doubt kafi comfortable seating hai. Ab kisi bhi scooter par long rides comfort to expect nahi kar sakte h. But agar normal 15-20 km ki ride hai to apko itni problem nahi ane wale h isme. Comfrtably ap ride kar payenge.
Suspension ki bat kare to wo bhi theek thak milte h. Honda Activa OBD me apko telescopic suspensions with 90/90-12 front tire aur 3-Step Adjustable & Spring Loaded Hydraulic suspensions with 90/100-10 rear tire milenge. Advantage ye hai ki front tire ki size badi kar dene se ab apko potholes me itni dikkat nhi ane wali h.
Honda Activa OBD – Features
Display ke mamle me company ne Honda Activa OBD me downgrade kar dia h. Activa 5G me jo humko digital and analogue display ka combination milta tha usko replace kar ke ab hume basic analogue cluster display milta h. But iske alawa kafi features add hue h. Sabse pehla to engine kill switch is also a starter button now. Starter is also a silent-starter type jesa ki humne Activa 125 me bhi dekha tha. Sath hi humko ab pass light button bhi milta h jo ki thoda chota to hai but kafi useful feature h.
Ye to ho gaye new features but hum Indians itne me satisfy kaha hote h, kuch na kuch kami to nikal hi lete h. Honda Activa OBD me bhi agar front disc brake de dete to maza hi aa jata bhai, kyuki abhi jo drum brakes hai unki performance thodi si weak h jo kahi na kahi thoda sa disappoint karti h.
Honda Activa OBD – Mileage
Sabse bada sawal to ye hi hota h koi bhi vehicle lene se pehle. Bhai kitna deti hai?
Honda Activa OBD ka mileage company claim karti h 60 Kmpl, jo ki obviously boht ideal conditions me calculate hota h and hume day to day usage me milta nhi h. Agar ap itne hi ideal rider hai to apko mil sakta h ye mileage, but hum to nhi h. Humne humari Honda Activa OBD ko har conditions me test kia city traffic, highway, long rides etc. Finally humne jo average nikala wo tha 46Kmpl ka. Jo ki kafi acha h baki scooters ke comparison me. To be honest meri expectations bhi itni hi thi.
Honda Activa OBD – Missing Features
Wese to kafi kuch de diya h Honda ne apni Activa OBD me but still kuch kamiya reh gayi h jo mujhe lagta h ki isme aur add ho jati to maza hi aa jata.
Sabse pehla to digital instrument cluster. Ajkal almost every scooter is coming with a digital instrument cluster. Ese me pura analogue instrument cluster thoda sa old feature lagta h, technical advancement ki jarurat h boss thodi.
Technical advancement ki bat ho hi rahi h to isme apko USB charging bhi nahi milti h. Again, one of the things I wish would be there in Honda Activa OBD. Suspensions par bhi thoda kam kia ja sakta tha, thoda aur better hota to ride comfort badh jata.
Honda Activa OBD – On Road Price
Humne Honda Activa OBD Pune me buy kari hai, yaha par iski ex-showroom price Rs 78155 hai. Iske alawa Insurance, RTO, Extended warranty aur Smart card charges sab include kar ke price ho jati h Rs 94934. But rukiye, abhi to standard fittings baki h. Ap soch rahe honge standard fitting kya hota h ab ye? Side stand, footrest and side bracket ye sab ke charges extra dene padte hai ab. Jo ki hota h Rs 1373 in Pune.
Uske alawa normal accessories to lena hi padegi na? Jese ki guard kit, handle grip, seat cover, floor mat, tefflon coating, Garage cover ye sab mila kar hua extra Rs 5095. Humne isme puncture kit bhi add karvaya jo ki ek liquid hota h jis se tire puncture nhi hota. Uske 1200Rs extra die for both front and rear tire. To ese sab kuch mila kar humko Honda Activa OBD padi hai Rs 1,02,600 ki. Again ye price Pune ki hai har city, state ke taxes ke hisab se price vary karti hai.
Should I buy Honda Activa OBD?
Honda Activa OBD / 6G definitely ek better choice hai apne predecessor se. Agar hum overall product ki baat kare to ye na sirf eco-friendly but zada features ke sath ati h. Lekin har achi cheez ek keemat ke sath ati h. OBD / 6G ki price almost Rs 7,500 zada hai 5G se, jo ki theek h agar hum features aur upgrades ko consider kare to. Lekin iski direct rival TVS Jupiter thodi si kam price me apko mil jaegi. Sath hi ab to Hero Xoom bhi ek acha option launch ho gaya h.
Bat wo hi hai bas Honda apse thoda sa zada charge leta hi h kyuki wo apko premium product de raha h sath hi brand name. Honda Activa ek brand ban chuka h iska resale bhi kaafi easy h compared to any other scooter in the market. To at the end, Honda ka bharosa aur ye sare features apko theek lage to jaiye aur ghar le aiye apni nayi Honda Activa OBD.
IndianTorque hain one of its kind and India’s first HINGLISH automotive website jaha pe aap Automobile se related Questions puch sakte he yaha sabhi information aapko HINGLISH me milti hain, yaha pe aapko unbiased review, comparison bhi milenge jis se aapko apne liye perfect vehicle choose karne me aasani ho. So guys notification on kar lijiye IndianTorque.com so that koi bhi important news aap miss na kare.
