Nissan Magnite vs Tata Nexon Comparison – Guys Nissan ne recently apni sub – 4 meter compact SUV Magnite ko launch kiya. Nissan ne iss car ko kafi aggressive pricing ke saath launch kiya hai. Iss pricing ke saath compact SUV segment me competition kafi zyada badh chukka hai. Tata Nexon, tried and tested compact SUV hai.
Nissan Magnite Variant Details – 2020-nissan-magnite-variant-details-xe-xl-xv-xvpremium
Nissan Magnite vs Tata Nexon Comparison –
Iss car ko 2017 me pehli baar lauch kiya tha aur 2020 me isse ek minor facelift mila. Tata Nexon ke sales kafi promising hai aur is car ka monthy sales bhe kafi accha hai. Aaj hum inn do gaadiyo ko detailed comparison karne wale hai.
Dimensions – Nissan Magnite ki dimension 3994 mm x 1758 mm x 1572 mm hai. Iss gaadi ka wheelbase 2500 mm hai aur ground clearance 205 mm hai. Tata Nexon ki baat kare to hiss gaadi ki dimesion 3993 mm x 1811 mm x 1606 mm hai. Iss gaadi ka wheelbase 2498 mm hai aur ground clearance 209 mm. Dono hi gaadi ke dimension kafi similar hai. Tata Nexon ki width aur Height, Nissan Magnite se 53 mm aur 34 mm zyada badi hai.
Tyre Size – Nissan Magnite ke sabhi models pe hume 195/60/16 ke tyres dekhne mil jaate hai jo road pe accha perform karte hai. Tata Nexon ke base models pe hume 195/60/16 aur top spec varitants pe 215/60/16 ke tyres mil jaate hai.
Design – Design ki baat kari jae toh Nissan Magnite ka design kafi bold aur attractive hai. Iss car ki design kafi fresh aur bohot se logo ne iss design ko pasand kiya hai. Tata Nexon ka design ko pehle se hi kafi logo ne pasand kiya hai, Or facelift ke baad iss car ka design aur zyada sleeker ho gaya hai.
Interior and Features – Tata Nexon aur Nissan Magnite ki interior kafi fresh aur updated hai. Tata Nexon ki interior aur fit and finish Nissan Magnite se zyada better hai. Dono hee gaadi me dher saare features dekhne ko mil jaate hai. Tata Nexon me auto headlamps, rain sensing wipers aur electronic sunroof dekhne mil jata hai. Nissan Magnite me hume wireless mobile charger, wireless Apple CarPlay, puddle lamps, air-purifier, front camera jaise features dekhne mil jata hai.
Dono hi gaad me kuch common features bhe dekhne mil jata hai jaise, automatic climate control, electric adjusting and folding mirrors, keyless entry and push-button start, and rear ac vents. Saath hi, hume dono gaadio me kafi saare storage spaces dekhne mil jaate hai.
Safety and Comfort – Nissan Magnite me hume Dual Front Airbags, ABS, Brake Assist, Traction Control, EBD, Hill Assist, and 360 degree camera jaise safety features dekhne mil jaate hai.
Tata Nexon me hume Dual Front Air Bags, ABS, Brake Assist, Traction Control, Hill Assist aur ESP jaise safety features milte hai. Tata Nexon ko Global NCAP me 5 star ki rating bhi mil chuki hai. Seats ki baat kare toh dono hi gaadiyo ke seats me kafi acchi cushioning hai. Nissan Magnite ki seats Tata Nexon ke comparison me zyada comfortable hai.
Engine – Nissan Magnite me 2 engine options mil jaata hai, 1.0 –litre naturally aspired petrol engine jo 76 BHP aur 96 Nm torque produce karta hai. Iss engine ko 5 speed manual transmission ke saath combine kiya hai. Dusra engine hai 1.0- litre turbo petrol engine jo 99 BHP aur 152 Nm torque produce karta hai. Iss engine ko manul aur Xtronic CVT gearbox ke saath combine kiya hai.
Tata Nexon me hume petrol aur diesel engine ka option mil jaata hai. Petrol engine ki baat kare toh isme 1.2-litre turbocharged revtron engine milta hai jo 118 BHP aur 170 Nm torque produce karta hai. Isme 6 speed manual aur AMT gearbox milta hai. Diesel engine ki baat kare toh isme hum 1.5-litre turbocharged revotorq engine dekh sakte hai jo 108 BHP aur 260 Nm torque produce karte hai. Isme bhi hume 6 speed manual aur AMT gearbox mil jaata hai.
Nissan Magnite vs Tata Nexon Comparison Conclusion – Dono hi gaadi kafi zyada features ke saath available hai.
Nissan ne iss gaadi ko kafi zyada aggressive price diya hai. Jo ki Hatchback ka market bhi capture karti hai. Or indian consumers ko kafi kam kimat pe ek Sub 4 meter SUV lene ka option mil jata hai.
Vahi Tata Nexon ki engine aur ride quality Magnite se kafi zyada better hai. Vahi safety ke mamle me bhi Nexon kahi guna jyada better hai Nexon Magnite se. And Tata ka serivce network bhi Nissan ke compare me india me bahut jyada hai.
Nissan Magnite Variant Wise Price List – nissan-magnite-price-in-india-variant-wise
Post By – Aditya Vaitheswaran
IndianTorque pe aap Automobile se related Questions puch sakte he yaha sabhi information aapko HINGLISH me milti he. Jo ki aap day-to-day life me ya Whatsapp pe use karte he. Yaha pe aapko unbiased review, Comparison bhi milenge jisse ki aapko apne liye perfect Vehicle choose karne me aasani ho. To guys notification on kar lijiye IndianTorque.com ka taki koi bhi important news aap miss na kare.
