Toyota Hiace MPV Launched in India at Rs 55 Lakhs – Toyota India ke liye recent months kafi busy raha hai. December 2020 me Toyota ne Innova Crysta facelift ko launch kiya aur January 2021 me humne Fortuner facelift ka launch bhi dekha. Toyota ne abhi Indian market me new MPV van Hiace ko launch kar diya hai.
Toyota Hiace MPV Launched in India at Rs 55 Lakhs-
Toyota Hiace Details-
Toyota ne India me 5th gen Hiace MPV ko launch kiya hai jiska debut 2004 me hua tha. International market me Toyota 6th gen Hiace ko sell karta hai jisse 2018 me introduce kiya tha. Ye vehicle India me as CBU unit aayegi. Iss van me hume largre front chrome finished grille, halogen headlapmps, black body cladding and large windows milta hai. Iss car me 14 people accommodate ho sakte hai. Hiace me 2 DIN audio system with AUX, CD and USB support, dash mounted gear selector, power windows and power-sliding door milta hai.
Safety wise, iss van me hume front airbags, ABS and EBD offer hote hai. Ye van Indian market me single variant me available hai aur Silver and White colour options me offer hota hai.
Toyota Hiace Engine Details-
Toyota Hiace me hume 2.8-litre, four cyclinder, turbo-diesel engine offer hota hai jo 151 HP and 300 Nm torque produce karta hai. Iss engine ko 6 speed automatic gearbox saath combine kiya gaya hai. Hiace me hum same engine dekh sakte hai jo humne recently launched Fortunet facelift me dekha tha.
Toyota Hiace, India me limited numbers me aayegi. Ye van tour operators and travel companies ko attract kar sakti hai jo consumers ko ek premium 14 seater vehicle offer kar sakte hai. Iss car ki price Rs 55 lakhs (ex-showroom) hai.
IndianTorque pe aap Automobile se related Questions puch sakte he yaha sabhi information aapko HINGLISH me milti he. Jo ki aap day-to-day life me ya Whatsapp pe use karte he. Yaha pe aapko unbiased review, Comparison bhi milenge jisse ki aapko apne liye perfect Vehicle choose karne me aasani ho. To guys notification on kar lijiye IndianTorque.com ka taki koi bhi important news aap miss na kare.
